"Total Energies" ilə enerji sahəsində əməkdaşlıq gözlənilir

SOCAR-ın prezidenti Rövşən Nəcəf “TotalEnergies” şirkətinin baş icraçı direktoru Patrik Puyane ilə görüşüb.

Görüşdə SOCAR-la şirkət arasında uzunmüddətli səmərəli əməkdaşlıqdan məmnunluq ifadə edilib. Tərəflər “Abşeron” qaz-kondensat yatağının tammiqyaslı işlənilməsinə dair Prezident İlham Əliyevin verdiyi tapşırıqları rəhbər tutaraq, bu istiqamətdə görüləcək işləri müzakirə ediblər.

Görüşdə eyni zamanda İlkin Hasilat Sxemi layihəsi üzrə cari əməliyyatlar, habelə “Abşeron” qaz-kondensat yatağının işlənilməsinin ikinci mərhələsi üzrə atılan addımlar və enerji sahəsində əməkdaşlıq imkanları nəzərdən keçirilib.