SOCAR-ın prezidenti “Uzbekneftegaz” şirkətinin idarə heyətinin sədri ilə görüşüb - Baku TV
“Bakı Enerji Həftəsi” çərçivəsində SOCAR-ın prezidenti Rövşən Nəcəf Özbəkistanın “Uzbekneftegaz” şirkətinin İdarə Heyətinin sədri Abdugani Sanginovla görüşüb.
Görüşdə Azərbaycan Respublikasının Prezidenti İlham Əliyev və Özbəkistan Respublikasının Prezidenti Şavkat Mirziyoyev tərəfindən müəyyənləşdirilən siyasətə uyğun olaraq, iki ölkə arasında enerji sektorunda əlaqələrin inkişafından məmnunluq ifadə olunub. Bu xüsusda, SOCAR ilə “Uzbekneftegaz” arasında əməkdaşlığın genişləndirilməsi istiqamətində atılan addımlar qeyd olunub.
Söhbət zamanı “Bakı Enerji Həftəsi”nin regionda enerji məsələlərinin müzakirə olunduğu mühüm platforma kimi əhəmiyyəti vurğulanıb. Eləcə də cari ilin ötən ayında “Özbəkistanın nefti və qazı” 28-ci beynəlxalq sərgi-konfransı çərçivəsində keçirilən görüşlərin, həmçinin bp şirkətinin “Üstyurt” investisiya bloklarının kəşfiyyatı, işlənməsi və hasilatı üzrə Pay Bölgüsü Sazişinə qoşulmasının önəmi diqqətə çatdırılıb, layihə çərçivəsində görüləcək işlər və gələcək əməkdaşlıq perspektivləri nəzərdən keçirilib, qarşılıqlı maraq doğuran digər məsələlər ətrafında fikir mübadiləsi aparılıb.
#SOCAR teqi istifadə olunub
- Tədarük olunan qazın həcmi ildə təxminən 2 milyard kubmetrdir | Ralf Horlemann - Baku TV
- "Azəri-Çıraq-Günəşli" Xəzərin Azərbaycan sektorunda ən iri neft yatağıdır - Baku TV
- Cəbrayılda sakinlərin müvafiq müraciətləri dinləniləcək - Baku TV
- SOCAR gənc media nümayəndələrini məlumatlandırdı - Baku TV
- Gənc media nümayəndələri üçün yeni sessiya başladı: Layihənin əsas məqsədi nədir? - Baku TV
