SOCAR-ın qeyri-neft ixracında nə qədər artım olub?

2024-cü ilin yanvar ayında SOCAR-ın Marketinq və İqtisadi Əməliyyatlar İdarəsi 33,1 milyon ABŞ dolları dəyərində qeyri-neft məhsulu ixrac edib.

Bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın fevral sayında bildirilib.

Qeyd edilib ki, bu göstərici 2023-cü ilin müvafiq ayı ilə müqayisədə 12 faizə yaxın çoxdur. SOCAR-ın idarəsinin ixracı ümumi qeyri-neft ixracının 15 faizini təşkil edib. Yanvarda Azərbaycanın qeyri-neft ixracının dəyəri 222 milyon dollar olub.