SOCAR-ın törəmə müəssisəsi ICA mükafatı üçün qısa siyahıya daxil edilib

“SOCAR Midstream Operations” MMC “ICA Compliance Award” müsabiqəsinin finalçısı kimi qısa siyahıya daxil edilib.

Bu barədə şirkət məlumat yayıb. Vurğulanıb ki, bu mükafat maliyyə cinayətlərinin qarşısının alınması sahəsində nailiyyətlər və yeniliklərə görə təqdim edilir. Rəsmi mükafatlandırma mərasiminin 2024-cü il iyunun 27-də Londonda keçirilməsi gözlənilir.

Qeyd edək ki, “SOCAR Midstream Operations” MMC 2014-cü ildə yaradılıb.