SOCAR istiqrazları sahiblərinə 1 milyondan çox pul qazandırdı

Nominal dəyəri 1000 dollar, tədavül müddəti 5 il, illik gəlirliliyi 4,5% olan və faizləri rüblük qrafiklər əsasında ödənilən SOCAR İstiqrazlarının 9-cu faiz ödənişi 2024-cü il fevralın 1-də istiqraz sahiblərinin hesablarına köçürülüb.

Bu barədə “SOCAR Capital” şirkətindən məlumat verilib.

Bakı Fond Birjasında yerləşdirildiyi 3 illik müddət ərzində ən çox investisiya edilən qiymətli kağıza çevrilmiş SOCAR İstiqrazları 9-cu kupon ödənişi nəticəsində sahiblərinə 1 milyon 125 min dollar gəlir gətirib. Bununla da, istiqraz sahiblərinin ümumi qazancı 10 milyon 125 min dollara yüksəlib.

SOCAR İstiqrazlarının növbəti kupon ödənişi 2024-cü il mayın 1-də baş tutacaq.