SOCAR və Dövlət Vergi Xidməti arasında memorandum imzalandı

Dövlət Neft Şirkəti ilə Dövlət Vergi Xidməti arasında təlim və inkişaf sahəsi üzrə Əməkdaşlıq haqqında Memorandum imzalanıb.

Sənəd hər iki dövlət qurumunun intensiv əməkdaşlıq münasibəti qurmaqla əməkdaşların bilik və bacarıqlarının inkişaf etdirilməsi istiqamətində təcrübə mübadiləsini nəzərdə tutur.

Memorandum tərəflərin birgə və ya SOCAR-a aid müxtəlif mövzularda təlim və inkişaf tədbirlərinin Dövlət Vergi Xidmətinin Tədris Mərkəzində təşkilini nəzərdə tutur. Əməkdaşlıq haqqında Memorandumu Dövlət Vergi Xidmətinin rəis müavini Samirə Musayeva və SOCAR-ın vitse-prezidenti Ziba Mustafayeva imzalayıblar.

Qeyd edək ki, əməkdaşlığın uzun müddət davam etdirilməsi və gələcəkdə insan kapitalının davamlı inkişafı istiqamətində əhatə dairəsinin daha da genişləndirilməsi nəzərdə tutulub.