İqtisadiyyat
Pleyeri seçin:
SOCAR və "Tatneft" arasında müzakirə | İstehsal hansı ölkədə təşkil olunacaq?
SOCAR və Rusiyanın “Tatneft” publik səhmdar cəmiyyəti sürtkü materiallarının istehsalı üzrə birgə müəssisə yarada bilər.
Bu barədə SOCAR RUS MMC-nin baş direktoru Rüfət Mahmud məlumat verib.
O bildirib ki, istehsal Azərbaycan və ya üçüncü ölkələrin ərazisində təşkil oluna bilər. Bunun üçün Rusiya bazarı nəzərdən keçirilmir. Çünki burada bazar artıq keyfiyyətli məhsul istehsal edən yerli istehsalçılar tərəfindən kifayət qədər dolğun təmsil olunub.
Rüfət Mahmud əlavə edib ki, Rusiyanın SIBUR şirkəti ilə də analoji planlar var.
Qeyd edək ki, 2023-cü ilin noyabr və 2024-cü ilin may aylarında SOCAR və “Tatneft” arasında neft hasilatı, emalı, neft və neft-kimya məhsullarının satışı, təcrübə mübadiləsi, insan kapitalının inkişafı və digər sahələr üzrə əməkdaşlığa dair yol xəritələri hazırlanıb.
Kopyalandı
Seçilmişlər
