SOCAR və “Tatneft” mühüm əməkdaşlığa başlayır

Martın 7-də SOCAR-ın prezidenti Rövşən Nəcəf “Tatneft”in baş direktoru Nail Maqanovla görüşüb.

Görüşdə iki şirkət arasında neft-kimya sahəsində qarşılıqlı fəaliyyətə dair Saziş və neft yatağında birgə işlərə dair Anlaşma Memorandumu imzalanıb, insan kapitalının inkişaf etdirilməsi və bu istiqamət üzrə perspekiv birgə hədəflər barədə müzakirələr aparılıb.

Nümayəndə heyəti səfər zamanı “TANEKO” neft emalı və neft-kimya zavodu kompleksində, habelə “Tatneft”in digər müəssisələrində olub, istehsalat prosesi ilə tanış olublar.