Ziba Mustafayeva şirkətin fəaliyyət istiqamətləri barədə məlumat verib - Baku TV

SOCAR süni intellekt əsaslı, verilənlərlə idarə olunan, inteqrasiya edilmiş və diversifikasiya olunmuş enerji şirkətinə transformasiya prosesindədir.

“Report”un məlumatına görə, bu barədə SOCAR-ın vitse-prezidenti Ziba Mustafayeva ADA Universitetinin İnkişaf və Diplomatiya İnstitutunun təşkil etdiyi XX Bakı Yay Enerji Məktəbinin açılış tədbirində çıxışında məlumat verib.

O bildirib ki, şirkət neft-qaz sektorunun ənənəvi seqmentlərində – hasilat, nəqliyyat, emal və ticarət sahələrində öz fəaliyyətini davam etdirməklə yanaşı, portfelini enerji keçidi və “yaşıl enerji” istiqamətində genişləndirir.

Ziba Mustafayeva vurğulayıb ki, SOCAR dövlət şirkəti olaraq ölkənin dayanıqlı inkişaf strategiyasına, uğurla formalaşdırılmış iqtisadi siyasətə uyğun fəaliyyət göstərir.

Vitse-prezident qeyd edib ki, 2026-cı ildə SOCAR Dünya İqtisadi Forumunda "Lighthouse" (Mayak) mükafatına layiq görülüb.