Gürcüstanda xalq küçələrə axışdı | Nəqliyyatın hərəkəti iflic oldu

Gürcüstanda hakim “Gürcü Arzusu” partiyasının “Xarici təsir” qanunu əleyhinə etiraz aksiyaları davam edir.

Mayın 3-də aksiyaya paytaxt Tbilisidəki Azadlıq meydanında başlanılıb. Daha sonra şəhərin mərkəzi küçə və prospektləri ilə yürüş edən minlərlə etirazçı saatlarla paytaxtın əsas nəqliyyat yollarını tutaraq avtomobillərin hərəkətini bloklayıblar.

Yürüş səbəbi ilə şəhərin bir sıra mərkəzi küçələrində nəqliyyat iflic olub, böyük tıxaclar yaranıb. Nümayişçilər qanun layihəsi əleyhinə müxtəlif şüarlar səsləndirərək, Gürcüstanın dövlət himnini oxuyublar.