Выбрать плеер:
Hörmüz boğazı ilə bağlı ABŞ-dən diqqətçəkən açıqlama - Baku TV
ABŞ Silahlı Qüvvələrinin Mərkəzi Komandanlığı İran hakimiyyətinin Hörmüz boğazının bağlanması ilə bağlı növbəti bəyanatını təkzib edərək beynəlxalq dəniz yolunun kommersiya gəmiçiliyi üçün açıq qaldığını bildirib.
Bu barədə CENTCOM “X” sosial şəbəkəsindəki bəyanatında qeyd edib.
“İran hökuməti növbəti dəfə Hörmüz boğazının bağlandığını bəyan edir. Bu yalandır”, – deyə ABŞ komandanlığından vurğulanıb.
CENTCOM-dan qeyd edilib ki, Hörmüz boğazı ticarət gəmilərinin tranziti üçün açıqdır. İran isə bu beynəlxalq su marşrutuna nəzarət etmir.
Komandanlığın məlumatına görə, son dörd ay ərzində Hörmüz boğazından minlərlə ticarət gəmisi keçib.
Скопировано
