Pakistan səmasındakı PUA-lar məhv edildi | İki ölkə arasındakı vəziyyət pik həddə

Pakistan Ordusu mayın 9-da İsrail istehsalı olan 6 pilotsuz uçuş aparatını məhv edib. Bununla da zərərsizləşdirilən dronların sayı 77-yə çatıb.

“Samaa TV”nin məlumatına görə, PUA-lar Pəncabın müxtəlif ərazilərində vurulub. Cavab tədbirləri görülüb.

Yerli polis dron qalıqlarının yaşayış məntəqələrinin yaxınlığındakı kənd təsərrüfatı torpaqlarına düşdüyünü deyib.

Hindistanın PUA-ları 24 saat ərzində radar vasitəsilə izlənilir. Bu, dronların vaxtında zərərsizləşdirilməsinə kömək edir. Nəticədə, insan tələfatının qarşısı alınır. Örnək kimi Cassar kəndinin səmasında da PUA-nın vurulması göstərilir.

Qeyd edək ki, mayın 8-də edilən hücumlarda pakistanlılar arasında ölənlər olmayıb. Məlumatda bildirilir ki, 4 pakistanlı əsgər yaralanıb.