Выбрать плеер:
Pakistanda atışma nəticəsində 6 hərbçi öldü
Pakistanda əsgərlərlə Pakistan Talibanının üzvləri arasında baş verən toqquşmada 6 hərbçi həlak olub.
İki tərəf arasında silahlı qarşıdurma ölkənin Xayber-Paxtunxva əyalətində qeydə alınıb.
Bu barədə Pakistan Ordusunun İctimaiyyətlə əlaqələr departamenti məlumat yayıb.
Məlumatda bildirilir ki, təhlükəsizlik qüvvələri Doqar rayonunda qruplaşma üzvlərinin olması barədə məlumat aldıqdan sonra hadisə yerinə gəlib və burada şiddətli atışma baş verib.
Silahlı qarşıdurma nəticəsində Pakistan Ordusunun biri zabit olmaqla 6 hərbçisi həlak olub.
Qarşıdurma zamanı 7 qruplaşma üzvü zərərsizləşdirilib. Ordu bölgədə hərbi əməliyyatları davam etdirir.
Скопировано
Выбранные
