Qarşısıalınmaz hücum başladılır? - Dünyanı şoka salan anons | ABŞ rəsmən elan etdi - Baku TV

“ABŞ-nin İrandakı hərbi planları hazırda bu ölkədə quru qüvvələrinin istifadəsini əhatə etmir, lakin bu ehtimalı istisna etmək olmaz”.

Bu barədə Ağ Evin mətbuat katibi Kerolayn Levitt jurnalistlər üçün keçirilən müntəzəm brifinqdə deyib.

“Bu, hazırkı planların bir hissəsi deyil, amma Prezidentin adından heç bir variantı istisna etməyəcəyəm”, – deyə o, məsələ ilə bağlı suala cavab olaraq bildirib.

Bundan əvvəl ABŞ lideri Donlad Tramp “lazım gələrsə, İrana quru qoşunları göndərilə bilər” ifadəsini işlədib.

Ağ Evin mətbuat katibi həmçinin Donald Trampın kürd qüvvələrinin İrana göndərilməsini müzakirə etdiyi barədə məlumatları təkzib edib. O bu barədə xəbərləri yalan adlandırıb. Trampın kürd liderləri ilə söhbətinin bölgədəki ABŞ bazalarına yönəldiyini bildirib.

Kerolayn Levitt eyni zamanda ABŞ kəşfiyyat orqanlarının İranın yeni ali rəhbərinin seçilməsini izlədiyini qeyd edib. Onun sözlərinə görə, ABŞ tərəfi hesab edir ki, bu barədə hər hansı bir nəticə çıxarmaq hələ tezdir.

Bu arada, İran iki gəmiyə Hörmüz boğazından keçməyə icazə verib. Bu barədə SEPAH-ın Hərbi Dəniz Qüvvələrinin nümayəndəsi bildirib.

“Müharibənin birinci günü biz iki tankeri, ikinci gün isə ABŞ-nin Hörmüz boğazından keçməyə təmin etdiyi və dəstəklədiyi bir neçə gəmini vurduq. Hörmüz boğazından keçərkən İranın qaydalarını pozan gəmilər vurulub. Müharibənin dördüncü günündən bəri Hörmüz boğazından heç bir hərəkət baş vermir. Üçüncü gün yalnız iki gəmi, dost ölkələrin gəmiləri İranın icazəsi və təsdiqi ilə keçib”, – deyə o bildirib.