Qərb yeni "səlib yürüşü"nə başlayıb | Belarus Prezidenti

Belarus Prezidenti Aleksandr Lukaşenko Qərbin yeni “səlib yürüşü”nə başladığını deyib.

A.Lukaşenko bu barədə Belarusun Müstəqillik Günü münasibətilə təşkil olunan təntənəli mərasimdə danışıb.

O, eyni zamanda dünyanın artıq fəlakətin astanasına sürükləndiyini, İkinci Dünya müharibəsinə dair həqiqətlərin Qərbə lazım olmadığını bildirib.

“Hazırda sükan arxasında olanlar təslimçilərin ideya və birbaşa varisləridir. Onlar üçün 1945-ci ildə heç nə bitməyib. Ən əsası, artıq yeni “səlib yürüşü” başlayıb”, – deyə A.Lukaşenko qeyd edib.

O həmçinin NATO-nun Ukraynadakı müharibəni dayandırmaq istəmədiyini və Belarusu döyüşlərə sürükləmək istədiyini əlavə edib.

“Mən sizə zəmanət verirəm ki, biz Ukrayna ilə sərhəddə heç bir toqquşmaya imkan verməyəcəyik. NATO Ukraynadakı müharibəni dayandırmaq istəmir və Belarusu döyüşlərə sürükləmək istəyir. Lakin biz buna imkan verməyəcəyik”, – deyə dövlət başçısı vurğulayıb.