"Oskar" mükafatına namizədlərin siyahısı məlum oldu | İlk dəfə rusiyalı aktyor nominasiya qazandı

Amerika Kino Akademiyası 97-ci “Oskar” mükafatına namizədlərin adlarını açıqlayıb.

2024-cü ilin ən yaxşılarına namizədlər sırasında nominasiyaların sayına görə lider “Emilia Perez” müziklı olub. Ekran işi 13 nominasiyaya layiq görülüb.

“Pis” və “Brutalist” filmlərinin hər biri 10, “Conclave” ekran işi isə 8 nominasiya qazanıb. Akademiya Mükafatı uğrunda mübarizədə bir ilk də yaşanıb.

Belə ki, Yura Borisov “Oskar” mükafatına namizəd olan ilk rus aktyorudur. Onun ikinci planda rol aldığı “Anora” filmi 6 nominasiya qazanıb. Bundan başqa, namizədlər sırasında Reyf Fayns, Adrian Broudi, Demi Mur, Edvard Norton kimi məşhurların adlarına da rast gəlirik.

Sözügedən mükafat sahiblərinə martın 2-də təqdim olunacaq.