Rusiya nüvə sursatlarını Belarusa niyə yığır?

Rusiya Müdafiə Nazirliyi nüvə qüvvələrinin təlimləri çərçivəsində nüvə sursatlarının Belarusdakı raket briqadasının ərazi saxlama məntəqələrinə çatdırıldığını nümayiş etdirib.

Bu barədə Rusiya Müdafiə Nazirliyindən bildirilib.

Qurumun açıqlamasında deyilir ki, nüvə qüvvələri təlimlərinin bir hissəsi olaraq, nüvə sursatları Belarus Respublikasındakı raket briqadasının mövqe zonasındakı səhra saxlama məntəqələrinə çatdırılıb.

"Belarus Respublikasının raket birləşmələrinin şəxsi heyəti "İsgəndər-M" əməliyyat-taktiki raket kompleksi üçün xüsusi sursatların qəbulu və daşıyıcı raketlərin onlarla təchiz edilməsi, həmçinin buraxılışlara hazırlıq məqsədilə təyin olunmuş rayona gizli şəkildə irəliləmə üzrə təlim-döyüş tapşırıqlarını yerinə yetirir", – deyə nazirlikdən bildirilib.