Rusiya və Ukrayna paytaxtındakı obyektlər qarşılıqlı zərbələrin hədəfinə çevrilib - Baku TV

Rusiya Ordusu tərəfindən Kiyevə zərbələr endirilib. Dron zərbələri anbar kompleksinə tuş gəlib.

Kiyev vilayət administrasiyasının "Telegram"da yaydığı məlumata görə, Borispol rayonunda baş verən hücum nəticəsində bir nəfər yaralanıb.

Yerli hakimiyyət orqanları bildirib ki, gün ərzində Rusiya dronları Kiyev yaxınlığında və paytaxtın daxilində müxtəlif rayonlardakı bir neçə obyektə zərbələr endirib. Əvəzində Ukrayna Ordusu Moskva şəhərində yerləşən neft emalı zavoduna PUA hücumu təşkil edib.

Məlumata görə, indiyədək qeydə alınmış ən böyük PUA hücumlarından biri nəticəsində üç nəfər həyatını itirib, paytaxtdakı neft emalı zavodunun bir hissəsinə isə ziyan dəyib.