Suriya Demokratik Qüvvələrinin fəaliyyətini dayandırmasının Dəməşq üçün önəmi

Suriya Demokratik Qüvvələrinin mövcudluğuna son qoyulur.

"Al Hadath" telekanalının Suriya hökumətinə yaxın mənbələrə istinadən yaydığı məlumata görə, tezliklə SDQ-nin buraxılması və onun 10 ildən artıq müddətdə nəzarət etdiyi ərazilərdəki özünüidarəetmə sisteminin ləğvi rəsmən elan olunacaq.

Mənbənin bildirdiyinə görə, bu mühüm açıqlamanın avqustun əvvəlində xüsusi mətbuat konfransında verilməsi planlaşdırılır. Lakin tədbirin dəqiq vaxtı bir sıra mühüm amillərdən asılıdır. Bunlar Hasəkə əyalətində yeni inzibati təyinatların başa çatması və müəyyən şəxslərin Tel Abyad ilə Ras əl-Ayn ərazilərinə qayıtması məsələsinin həllidir.

Yerli hakimiyyət və SDQ tərəfindən irəli sürülən bu şərtlərin yerinə yetirilməsindən sonra tarixi bəyanatın ictimaiyyətə təqdim olunacağı gözlənilir.