Türkiyə UEFA-nın Merih Demiralla bağlı qərarına münasibət bildirib

“UEFA-nın millimizin futbolçusu Merih Demiralı iki oyunluq cəzalandırmasına görə təəssüf edirik”.

Bu barədə Türkiyə Xarici İşlər Nazirliyinin “X” hesabında məlumat yayılıb.

“Ölkə daxilində və xaricdə olan bütün vətəndaşlarımızda dərin məyusluq hissi yaradan bu qərar bəzi Avropa ölkələrində əcnəbilərə qarşı qərəzli münasibətin artdığı barədə fikri gücləndirdi”, – deyə paylaşımda qeyd olunub.

Əlavə edilib ki, beynəlxalq idman tədbirləri cəmiyyətləri və ölkələri bir-birinə daha da yaxınlaşdırmaq üçün təşkil olunur.

Qeyd edək ki, Merih Demiral Avstriya ilə görüşdə “bozqurd” işarəsi göstərdiyi üçün Almaniya və Avstriya rəsmiləri futbolçunun cəzalandırılmasını tələbə etmişdilər.