Выбрать плеер:
Xersonda boğulanların sayı durmadan artır
Читайте наши новости в Google
Узнавайте о новостях первыми
“Kaxovka Su Elektrik Stansiyasının bəndinin partladılması nəticəsində Xerson vilayətinin işğal altındakı Oleşki şəhərində azı üç nəfər boğulub”.
Bunu şəhər meri Yevgeni Rişşuk deyib. O, şəhər ərazisinin 90 faizinin su altında qaldığını qeyd edib. Mer həlak olanların sayının dəqiq bilinmədiyini, lakin rəqəmlərin çox ola biləcəyini istisna etməyib.
Y.Rişşuk bildirib ki, əksəriyyəti təqaüdçülər və yataq xəstələri olmaqla 3500-4000 nəfər hələ də Oleşkidə qalıb. O, xilasedicilərin minlərlə insanı təxliyə etməyə çalışdığını, bir çoxlarının xilas olmaq üçün evlərinin damına çıxdığını vurğulayıb. Mer bəzi kəndlərin ərazisinin 100 faizinin su altında qaldığını da qeyd edib.
Novaya Kaxovka şəhərinin meri Vladimir Leontyev isə vurğulayıb ki, SES bəndinin partladılmasından sonra su basmış ərazilərdə ölənlərin sayı 5 nəfərə çatıb. Onun sözlərinə görə, daha 41 nəfər xəsarət alıb.
Скопировано
Выбранные
