Çox güclü partlayış oldu | Bərdədə evinə ildırım düşən ailə danışdı

Bərdədə yaşayış evinə ildırım düşüb.

Hadisə oktyabrın 2-də səhər saatlarında rayonun Darğalar kəndində baş verib.

Səhər saatlarından göy gurultusu ilə başlayan yağışdan sonra ildırım çaxması elektrik xətlərinə və evə ciddi ziyan vurub.

“Səhər 6-7 radələrində çox güclü partlayış oldu. Yoldaşım qışqırdı ki, dur, ev yanır. İldırım evi çox pis vəziyyətə saldı. Yanğını qonşuların köməyi ilə çətinliklə söndürdük”, – deyə ev sahibi bildirib.

Hadisə zamanı ailə üzvlərinin hamısı evdə olsa da, zərərçəkən olmayıb.