“Çox qeyrətli qadın idi” | 91 yaşlı Qərənfil nənə faciəvi şəkildə həyatını itirdi - Baku TV

Yevlaxda 91 yaşlı qadın faciəvi şəkildə ölüb. Hadisə şəhərin “32-ci məhəllə” adlanan ərazisində qeydə alınıb.

Əslən Kəlbəcər rayonundan olan Qərənfil Məmmədova yaşadığı binanın 4-cü mərtəbəsindən yıxılıb. Yaralı dərhal ağır vəziyyətdə xəstəxanaya çatdırılıb, həkimlərin səylərinə baxmayaraq, onun həyatını xilas etmək mümkün olmayıb.

Həyatını itirən qadının qohumu Camal Göyüşov hadisənin təfərrüatları barədə danışarkən bildirib:

“Paltar yığarkən ayağının altındakı stul sürüşüb. Çox qeyrətli bir qadın idi. Bu itki böyükdən kiçiyə hər kəsi dərindən kədərləndirdi”.

Qeyd edək ki, vəfat edən qadın Birinci Qarabağ müharibəsi şəhidi Yunis Məmmədovun həyat yoldaşı olub. Faktla bağlı araşdırma aparılır.