İtkin düşmüş balıqçıların axtarışlarına helikopter cəlb olundu - Baku TV

Dekabrın 9-da səhər saatlarında balıq tutmaq məqsədi ilə Xəzər dənizinə çıxan və itkin düşmüş hesab edilən balıqçılar – Turan Həsənov və Ağadədə Həsənovun axtarışları davam etdirilib.

Balıqçıların axtarışına helikopter cəlb olunub. Bununla yanaşı, balıqçıların yaxınları və balıqçı dostları da ərazidə axtarış aparır.

Dənizdən qayıdan balıqçılar deyirlər ki, onların balıq tutduqları yerlərə baxdıq. Təəssüf olsun ki, nə qayığa, nə də qayıqda olan ləvazimatlara rast gəldik. Küləkli havanın qayığı qonşu ölkənin ərazisinə aparması istisna edilmir.

Qeyd edək ki, dekabrın 9-dan itkin düşmüş hesab edilən balıqçılar – 28 yaşlı Turan Həsənov və 26 yaşlı Ağadədə Həsənovun axtarışları hələ ki heç bir nəticə verməyib.