“Mənlik bir şey yoxdur, bixəbərəm...” | Direktor müəllimi görün nəyə məcbur etdi

Sosial şəbəkələrdə Bakı şəhəri, 201 nömrəli tam orta məktəbin direktoru Afaq Əliyevaya məxsus olduğu iddia edilən səs yazısı yayılıb.

İddialara görə, direktor məktəbin müəllimi Lalə Şəfaqətovanı keçmiş direktor müavini Svetlana Hüseynovaya qarşı yalançı şahidlik etməyə məcbur edir.

Məsələyə aydınlıq gətirmək üçün Baku TV adıçəkilən məktəbdə olub. Lakin yayılan məlumatlarla bağlı rəhbərlik hər hansı açıqlama verməyib, suallara cavab verən tapılmayıb.

Bakı Şəhəri üzrə Təhsil İdarəsindən isə bildirilib ki, 201 nömrəli tam orta məktəbin direktorunun səs yazısı olduğu iddia edilən məsələ ilə bağlı araşdırma aparılacaq. Nəticəsi barədə ictimaiyyətə məlumat veriləcək.

Qurumun cavabında o da qeyd olunub ki, məktəbin və müəllimin fəaliyyətinə uyğun olmayan hallara qarşı qanunvericiliyin tələbləri çərçivəsində müvafiq tədbirlərin görülməsi diqqət mərkəzində saxlanılır.