Motosikletçilər bu etdiklərinə görə həbs olundular | Bakıda təhlükəli anlar

Paytaxt ərazisində avtoxuliqanlıq hərəkətləri edən motosiklet sürücüləri həbs edilib.

Məlumatı Daxili İşlər Naziriliyi yayıb.

Bakı Şəhər Dövlət Yol Polisi və Nəsimi Rayon Polis İdarəsinin əməkdaşları tərəfindən həyata keçirilən tədbirlər nəticəsində paytaxt ərazisində yol hərəkəti qaydalarını davamlı şəkildə pozaraq digər hərəkət iştirakçılarının sağlamlığı üçün real təhlükə yaradan motosiklet sürücüləri ‒ Baba Məlikov, Nicat Şirinov, Şamil Həsənov və Emir Xozin saxlanılıblar.

Sürücülər barəsində inzibati protokol tərtib edilərək baxılması üçün aidiyyəti məhkəməyə göndərilib. Məhkəmənin qərarı ilə Baba Məlikovun və Şamil Həsənovun sürücülük hüququ 1 il müddətinə məhdudlaşdırılıb və onlar 15 gün inzibati qaydada həbs edilib.

Bununla yanaşı, Nicat Şirinov da 15 gün inzibati qaydada həbs edilib, Emir Xozin isə cərimə olunub.