Выбрать плеер:
Qazaxda 36 yaşlı kişi evdəki partlayışın qurbanı oldu - Baku TV
Читайте наши новости в Google
Узнавайте о новостях первыми
Qazax rayonunun Ağköynək kəndində yaşayış evində partlayış baş verib.
Hadisə zamanı ev sahibi, 36 yaşlı Məhəmməd Məmmədov müxtəlif dərəcəli yanıq xəsarətləri alıb. O, yaxınlarının köməyi ilə dərhal Qazax Rayon Mərkəzi Xəstəxanasına çatdırılıb.
Hadisə şahidi olan qonşulardan biri baş verənləri belə təsvir edib:
“Partlayış səsini eşidib dərhal oraya qaçdıq. Gördük ki, vəziyyət ağırdır, qolu yanmışdı, dərisi də soyulmuşdu”.
Qazax Rayon Mərkəzi Xəstəxanasından verilən məlumata görə, xəsarət alan şəxsə ilkin tibbi yardım göstərilib. Bədəninin müxtəlif nahiyələrinin II və III dərəcəli termiki yanığı diaqnozu qoyulan M.Məmmədov zəruri tibbi xidmətlərdən sonra Bakıya – Nərimanov Tibb Mərkəzinin nəzdindəki Yanıq Mərkəzinə təxliyə olunub.
Скопировано
Выбранные
