"Bağlamışdılar ki, gediş-gəliş olmasın" | Körpü uçdu, rayon mərkəzi ilə əlaqə kəsildi - Baku TV

Mayın 26-da yağan leysan yağışları Siyəzən rayonunda bir sıra fəsadlara səbəb olub.

Belə ki, Ataçaya gələn sel Balaca Həmyə kəndi ilə şəhər mərkəzini birləşdirən əsas körpünü yararsız vəziyyətə salıb.

Hazırda bu istiqamətdə nəqliyyat vasitələrinin hərəkəti tamamilə məhdudlaşıb.

“Körpü bir neçə ay əvvəl qəzalı vəziyyətdə idi. Aidiyyəti qurumlara bununla bağlı müraciət etsək də, tədbir görülmədi. Dəmir körpümüz də qəzalı vəziyyətdədir. Üç-dörd ay əvvəl bağlamışdılar ki, gediş-gəliş olmasın. Digər körpü uçduqdan sonra ondan istifadə etməyə icazə verdilər”, – deyə sakin Tağı Tağıyev narazılığını dilə gətirib.

Məsələ ilə bağlı Avtomobil Yolları Dövlət Agentliyindən bildirilib ki, əraziyə artıq baxış keçirilib, tezliklə işlərə başlanılacaq və körpü bərpa ediləcək.