"Bura vəhşi heyvanla doludur" | Sakinlər çətin halda - "İnsana da hücum etsələr..." - Baku TV

Bərdədə canavarların fərdi təsərrüfata hücumu nəticəsində xeyli sayda xırdabuynuzlu heyvan tələf olub.

Hadisə rayonun İmamqulubəyli kəndində baş verib.

Zərərçəkənin qardaşı Mustafa Mustafayev deyib:

“50–60 baş heyvanımız var. Canavarlar 38-ni məhv edib, 8-i yaralıdır. 30 min manat ziyan dəyib. Bunu kim qarşılayacaq? Vəhşi heyvanların qarşısını almaq üçün heç bir tədbir görülmür”.

Baytar Vüsal Mehdizadə isə bildirib ki, Qida Təhlükəsizliyi Agentliyinin köməyi ilə heyvanlar dərmanlanıb, quyu qazılaraq basdırılıb və dezinfeksiya işləri aparılıb:

“Yaralı heyvanlara ilkin tibbi müdaxilə kimi ağrıkəsici, zəhərlənmə əleyhinə dərmanlar tətbiq olunub. Bəzi heyvanların vəziyyəti ağırdır və ölüm ehtimalı var, amma müalicə nəticəsində bəzilərində yaxşılaşma müşahidə edilib”.