Siyəzəndə sel fəlakəti: Sürücülərə alternativ yoldan istifadə etmək tövsiyə olunur - Baku TV

Leysan yağışları Siyəzəndə ciddi fəsadlara səbəb olub.

Siyəzən–Məşrif avtomobil yolunun 11-ci kilometrliyində, Gilgilçay üzərində yerləşən körpü yararsız vəziyyətə düşüb. Nəticədə, bu istiqamətdə bir neçə yaşayış məntəqəsi ilə əlaqə kəsilib.

“Kəndə çaydan sel gəlib, körpünü uçurub. Yol bağlıdır. Dəvəçi zonasından olan yol da uçub, oradan da keçid bağlanıb”, – kənd sakini bildirib.

Azərbaycan Avtomobil Yolları Dövlət Agentliyindən verilən məlumata görə, sözügedən əraziyə qurumun əməkdaşları cəlb olunub:

“Hazırda ərazidə təhlükəsizlik tədbirləri görülür. Sürücülərdən alternativ marşrut kimi Bakı–Quba–Rusiya Federasiyası ilə dövlət sərhədi avtomobil yolunun 115-ci kilometrliyindən ayrılan Alxanlı yolundan istifadə etmələri xahiş olunur”.