Sumqayıtda qorxulu yanğının baş verdiyi yerdən görüntülər | FHN hadisə yerində
“Sumqayıt şəhərində, 17-ci mikrorayonunda yerləşən “Baharlı” restoranında qeydə alınan yanğın söndürülüb”.
Bununla bağlı Fövqəladə Hallar Nazirliyinin Mətbuat Xidmətindən məlumat verilib.
“Nazirliyin “112” qaynar telefon xəttinə Sumqayıt şəhərində, 17-ci mikrorayon ərazisində restoranda yanğın baş verməsi barədə məlumat daxil olub və dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.
Yanğın nəticəsində ümumi sahəsi 1000 kvadratmetr olan restoranın mətbəxinin yanar konstruksiyaları və damına çəkilmiş şüşə pambıq üzlük 70 kvadratmetr sahədə yanıb. Restoranın böyük hissəsi yanğından mühafizə olunub.
Yanğınsöndürənlərin çevik müdaxiləsi sayəsində baş vermiş yanğın qısa müddətdə söndürülüb”, – deyə məlumatda bildirilib.