Tovuzda dəhşətli hadisə | Cinayət işi başlandı

Tovuzda dəhşətli hadisə baş verib. Qadının üzərinə benzin tökərək yandırıblar.

Hadisə rayonun Aşağı Quşçu kəndində qeydə alınıb.

Belə ki, rayon sakini 22 yaşlı Röyal Tağıyev tanışı, Şəmkir rayon sakini 34 yaşlı Türkanə Məmmədovanın üzərinə benzin tökərək od vurub.

Nəticədə qadın ağır yanıq xəsarətləri alıb. Zərərçəkən yaxınlıqdakı şəxslərin köməyi ilə xəstəxanaya çatdırılıb.

Faktla bağlı Tovuz Rayon Polis Şöbəsində cinayət işi başlanılıb, Röyal Tağıyev polis əməkdaşları tərəfindən şübhəli şəxs qismində saxlanılıb.