Tovuzda qandondurucu hadisə | Bir nəfər qatarın qurbanı oldu

Tovuz rayonunda dəhşətli qəza baş verib: hərəkətdə olan qatar bir nəfər ortayaşlı kişini vuraraq öldürüb. Hadisə Bakı–Böyük Kəsik dəmir yolu xəttinin rayon ərazisindən keçən hissəsində qeydə alınıb. "Azərbaycan Dəmir Yolları" QSC-dən verilən məlumata görə, maşinist qatarın qarşısına qəfil çıxan şəxsi görərək təcili tormozlama aparsa da, məsafə az olduğundan faciənin qarşısını almaq mümkün olmayıb. Həyatını itirən şəxs dəmir yolunu qadağan olunmuş yerdən keçməyə cəhd edib. ADY əhalini dəmir yolu xətlərini yalnız müəyyən edilmiş keçidlərdən keçməyə və həyatlarını riskə atmamağa çağırıb. Faktla bağlı polis və prokurorluq əməkdaşları tərəfindən araşdırma aparılır.