Xırdalanda partlayan boru sakinlərə qorxu yaşatdı | Qurumdan açıqlama

Xırdalan şəhəri 28-ci məhəllədə su borusunun partlamasına səbəb şəbəkədə qəza baş verməsi deyil, yanğın üçün nəzərdə tutulmuş yerüstü yanğın hidrantının qırılmasıdır.

Bununla bağlı Azərbaycan Dövlət Su Ehtiyatları Agentliyindən məlumat verilib.

Qeyd edilib ki, hadisəyə səbəb ərazidən keçən yük maşınının yanğın hidrantına çırpılması olub:

"Problem artıq tam aradan qaldırılıb. Ərazi üzrə xəttə suyun verilməsi prosesinə başlanılıb".