Basketbol üzrə ölkə kubokunda qalibin adına aydınlıq gəlib

“Neftçi” komandası basketbol üzrə Azərbaycan Kubokunun qalibi olub.

“Ağ-qaralar” həlledici görüşdə "Xəzri" kollektivi ilə qarşılaşıb.

"Sərhədçi" İdman Mərkəzində keçirilən oyunda ilk iki period “Xəzri”nin üstünlüyü ilə bitsə də, növbəti hissələrdə ciddi müqavimət göstərən “ağ-qaralar” 61:65 hesablı qələbə qazanıblar. “Neftçi”nin uğurunda aktivinə 15 xal, 8 ribaund yazdıran Ulaş Turqut önəmli rol oynayıb.

Maraq üçün deyək ki, “Neftçi” Basketbol Liqasında 5-ci, “Xəzri” isə 3-cü pillədə qərarlaşıb. “Ağ-qaralar” lider “Sabah”dan 3, “Xəzri” isə 1 xal geri qalır.