Çempionlar Liqasında yarımfinal mərhələsi başlayır

Bu gün UEFA Çempionlar liqasında yarımfinal mərhələsinə start veriləcək.

İlk qarşılaşma Münhendəki “Alyans Arena”da olacaq. “Bavariya” yarışda qələbələr üzrə rekordçu “Real Madrid”i qəbul edəcək.

Bakı vaxtı ilə saat 23-də başlayacaq matçda ədalət prinsiplərini fransalı hakim Kleman Türpen qoruyacaq.

Qeyd edək ki, “kral klubu” bu oyunda zədəli David Alaba və cəzalı Dani Karvaxalın köməyindən istifadə edə bilməyəcək. “Rekordmayster”də isə Kinqsli Komanın bərpa prosesi davam edir.