"Qarabağ" - "Neftçi" matçı ilə bağlı vacib qərar açıqlanıb

Azərbaycan Premyer Liqasının 33-cü turu çərçivəsində keçiriləcək “Qarabağ” - “Neftçi” matçı ilə bağlı qərar verilib.

Peşəkar Futbol Liqasının məlumatına əsasən, görüşün baş tutacağı məkan dəyişdirilib.

Belə ki, təşkilati işlərlə əlaqədar qarşılaşma Tofiq Bəhramov adına Respublika Stadionunda yox, “Azərsun Arena”da keçiriləcək. Oyunun başlama saatı və tarixində isə hər hansı dəyişiklik yoxdur. Matç mayın 4-ü saat 19:30-da start götürəcək.

Qeyd edək ki, qarşılaşma ərəfəsində 50 xalı olan “ağ-qaralar” “Sumqayıt”la 2-ci, 3-cü yerləri bölüşdürür. Vaxtından əvvəl çempion olan “köhlən atlar”ın isə aktivində 73 xal var.