Rus futbolçu Türkiyə klubunu FIFA-ya şikayət etdi

"Serikspor"un keçmiş futbolçusu Kiril Qotsuk Türkiyə klubundan beynəlxalq futbol qurumuna şikayət etməyə hazırlaşır.

Bu barədə o, "Sports"a açıqlamasında bildirib.

Rusiyalı məşqçi Sergey Yuranın çalışdığı iyun-oktyabr aylarında heç vaxt maaş almadığını deyən müdafiəçi durumu belə anladıb:

"Vəkillər kluba borcla bağlı məktub yazdılar. Ödənilməsə, sənədləri FİFA-ya təqdim edəcəyik. Klub borcu etiraf etdi və biz barışıq razılaşması ilə yollarımızı ayırdıq. "Serikspor" müqavilədə göstərildiyi kimi, borcu bir neçə dəfəyə ödəyəcək. Məbləğlə bağlı təfərrüatlara varmayacağam. Amma bu, çoxdur. İstənilən halda, özümüzün olanı alacağıq".

Qotsuk Türkiyə təmsilçisində 17 oyun keçirib və 1 qol vurub. 33 yaşlı futbolçunun "Torpedo"ya keçəcəyi, moskvalılarla 1,5 illik müqavilə imzalayacağı gözlənilir.