UEFA-dan "Qarabağ"a böyük cərimə

“Qarabağ” klubu UEFA tərəfindən 45 750 avro (təqribən 84 532 manat) məbləğində cərimələnib.

Buna səbəb Bakıda “Braqa” və “Bayer” komandalarına qarşı matçlarda baş verənlərdir.

Ağdam təmsilçisi Avropa Liqasında “Braqa” ilə görüşdə azarkeşlərin lazer şüalarından istifadəsinə görə 8000, təhqir xarakterli mesajlara görə 22 500, ictimaiyyətə müraciət sistemindən düzgün istifadə edilməməsi səbəbindən 5000, komandanın düzgün olmayan davranışına görə isə 7500 avro ödəyəcək.

Avropanın futbol qurumu “Bayer”lə oyunda yaşananlara da hüquqi qiymət verib. Almaniya kollektivi ilə Bakıdakı matçda azarkeşlərin pirotexniki vasitələrdən istifadəsinə görə “Qarabağ” 2750 avro ziyana düşüb.