SOCAR 2023-cü ildə nə qədər gəlir əldə etdi?

2023-cü ildə SOCAR-ın ümumi dövriyyəsi 85,2 milyard, ümumi mənfəəti 8,6 milyard, xalis mənfəəti isə 2,1 milyard manat təşkil edib.

Bu barədə SOCAR-ın 2023-cü il üzrə konsolidasiya edilmiş maliyyə hesabatında bildirilib.

Sənədə əsasən, şirkətin gəlirlərinin əsas hissəsi xam neft, neft və kimya məhsulları və təbii qazın satışından əldə edilib.

Qeyd olunub ki, SOCAR-ın cari aktivləri 22,9 milyard, ümumi aktivləri isə 72 milyard manat təşkil edib.

Sənəddə vurğulanıb ki, qlobal iqtisadi aktivliyin zəifləməsinə, geosiyasi proseslərə, enerji bazarlarında baş verən volatilliyə, habelə xam neft və təbii qaz qiymətlərinin kəskin aşağı düşməsinə baxmayaraq, SOCAR 2023-cü ili qənaətbəxş nəticələrlə başa vurmağa nail olub.