Hansı bürcdən olan biri ilə evlənməzsiniz? - "Cahillikdir, çünki..."

Hər kəs ailə qurarkən xoşbəxt və davamlı münasibət arzulayır.  Bəzi insanlar bunun sirrini qarşı tərəfin xarakterində, ailə tərbiyəsində və dünyagörüşündə görür, bəziləri isə uyğunluğu bürclərlə ölçməyə üstünlük verir.

Baku TV paytaxt sakinlərinə “Bürcə görə həyat yoldaşı seçmək doğrudur?” sualını ünvanlayıb.

Sakinlərdən biri bildirib ki, ailənin əsasını qarşılıqlı məsuliyyət və anlayış təşkil etməlidir:

“İki tərəf də ailənin nə olduğunu anlamalıdır. Xüsusən kişilər maddi, mənəvi, fiziki məsuliyyətli olmalıdırlar. Bürclərin buna heç bir aidiyyəti yoxdur. Mənə görə, belə düşüncə cahillikdir”.

Digər sakin isə bürclərə görə seçim edə biləcəyini qeyd edib:

“Bürcə görə həyat yoldaşı seçərdim. Çünki bəzi bürcləri artıq tanımışam və xoşuma gəlməyənlər var”.