Yaponiya bunu da etdi | Təhsildə texnoloji yenilik

Yaponiyada texnoloji yenilik. Bu ölkədə bütün dərslərin metakainatda keçirildiyi məktəb açılıb.

Liseylər üçün distant təhsil sisteminin yaradılmasını təmin edən şirkətdən verilən məlumata görə, şagirdlər metakainatda istifadə üçün pulsuz virtual reallıq aparatı ilə təmin ediləcəklər.

VR məktəbdə dərslərdə iştirak etmək üçün şagirdlərə müstəqil olaraq öz avatarlarını seçmə imkanı verilib. Məktəbi bitirdikdən sonra onlar orta təhsil haqqında attestat ala biləcəklər.

VR məktəbi onlayn dərslər, mədəni tədbirlər, kiber-idman turnirləri, həmçinin dostlarla görüşmək və digər məktəb tədbirləri təşkil etmək imkanı təqdim edəcək.