1948–1951-ci illərdə Qaranlıq rayonunun bütün kəndləri boşaldılıb | QƏRBİ AZƏRBAYCAN XRONİKASI

“Qərbi Azərbaycan Xronikası” layihəsi çərçivəsində oğuz türklərinin qədim yaşayış məskənləri erməni işğalçıları tərəfindən qəsb edilən və izi silinən Qaranlıq rayonu haqqında süjet hazırlanıb.

“Qaranlıq rayonuna nəyə görə Myasnikyanın adı verilib?” adlı süjetdə Azərbaycanın tarixi torpaqlarında ermənilər yerlərini möhkəmləndirdikdən və daim yaşayacaqlarına təminat aldıqdan sonra azərbaycanlıları yurdlarından sıxışdırıb çıxarmasından bəhs olunur.

Qeyd olunub ki, Qaranlıq oykoniminin adı 1926-cı ildə dəyişdirilərək Martuni qoyulub və 1930-cu il sentyabrın 9-da bu adda rayon yaradılıb:

“Martuni rayonu Ermənistan SSR Xalq Komitəsinin ilk sədri Aleksandr Myasnikyanın adı ilə bağlıdır. 1948-1951-ci illərdə Qaranlıq rayonunun Kolagirən, Mədinə, Aşağı Alıcalı, Əliqırıq, Vəliağalı, Yuxarı Qaranlıq, Göl kəndi, Yuxarı Adıyaman, Aşağı Adıyaman, Dəlikdaş, Təzəkənd, Əbdülağalı, Aşağı Gözəldərə, Zolağac kimi azərbaycanlı kəndlərinin hamısı tamamilə boşaldılıb.

Sonrakı mərhələdə rayon üzrə 20 tarixi yer adları dəyişdirilib. Nəhayət, 1995-ci ildə Qaranlıq, yəni Martuni rayonu ləğv edilərək Geqarkunik mərzliyinin inzibati ərazisinə daxil edilib”.