Aİ İrana qarşı yeni sanksiya rejimi hazırlayır

“Avropa İttifaqı Rusiya və Suriyaya hərbi təchizat səbəbindən İrana qarşı yeni sanksiya rejiminin yaradılması ilə bağlı razılığa gəlib”.

Bunu təşkilatın xarici işlər nazirlərinin görüşünün yekunları üzrə ittifaqın müvafiq sahə üzrə ali komissarı Jozep Borrell deyib.

“Bununla yanaşı, Avropa İttifaqı Rusiyaya qarşı sanksiya siyahısına 5 İran rəsmisi, hərbçi və iş adamını daxil edib. İran Rusiyaya hərbi yardım edir. Vəziyyətin ağırlığını nəzərə alaraq Avropa İttifaqı Şurası hesab edib ki, Rusiyaya pilotsuz uçuş aparatlarının tədarükü ilə əlaqəli 5 şəxs Ukraynanın suverenliyi və ərazi bütövlüyünün pozulmasına görə məsuliyyət daşıyan şəxslər və qurumların qara siyahısına salınmalıdır”, – deyə Avropa İttifaqının Rəsmi jurnalında dərc olunan Avropa İttifaqı Şurasının qərarında bildirilir.

Qeyd edilir ki, sanksiyalar siyahısına pilotsuz uçuş aparatları üzrə ixtisaslaşan 2 şirkətin direktorlar şurasının hərbi və mülki üzvlərinin adları da əlavə edilib.