Albaniyadan Azərbaycana dəstək mesajı | Vacib zəngin detalları
Avqustun 12-də Albaniya Prezidenti Bayram Beqay Azərbaycan Prezidenti İlham Əliyevə zəng edib.
Bayram Beqay Azərbaycanla Ermənistan arasında münasibətlərin normallaşması, həmçinin ABŞ Prezidentinin şahidliyi ilə bəyannamənin və digər sənədlərin imzalanması ilə bağlı dövlətimizin başçısını təbrik edib.
O, bu prosesdə nümayiş etdirdiyi əzmə və liderliyə görə Azərbaycan Prezidentinin rolunu xüsusi vurğulayıb. Eyni zamanda, Bayram Beqay ABŞ Prezidentinin prosesə verdiyi dəstəyi yüksək qiymətləndirib.
Prezident İlham Əliyev təbriklərə görə təşəkkürünü bildirib. Dövlətimizin başçısı regionda sülh gündəliyinin təşəbbüskarının və sülh müqaviləsinin mətninin müəllifinin də məhz Azərbaycan olduğunu vurğulayıb, Vaşinqtonda keçirilmiş görüş əsnasında qəbul edilmiş sənədlərin sülh gündəliyinin irəli aparılması baxımından önəminə toxunub.
Prezident İlham Əliyev bu prosesə göstərdiyi dəstəyə görə ABŞ Prezidentinin rolunu qeyd edib. Telefon söhbəti zamanı Azərbaycanla Albaniyanın beynəlxalq təşkilatlar çərçivəsində uğurlu əməkdaşlığı və qarşılıqlı dəstəyi yüksək qiymətləndirilib.
#İlham Əliyev teqi istifadə olunub
- Azərbaycanın siyasi iradəsi regionda münaqişə risklərini azaldır? - AKTUAL GÜNDƏM
- Prezident İlham Əliyevə mükafat təqdim olundu
- Prezidentin rəsmi sosial şəbəkə hesablarında Əbu-Dabidəki mərasimlə bağlı video paylaşıldı - Baku TV
- Azərbaycanın sülh modeli dünyaya nümunədir | ABŞ–Rusiya–Ukrayna üçtərəfli görüşü - YENİ BİR SƏHƏR
- Dövlət başçılarından təqdimat mərasimində təbrik videosu - Baku TV
