Araikin Qarabağdakı özbaşınalığı etiraza səbəb olub

Azərbaycanın Qarabağ bölgəsində yaşayan ermənilərin separatçı rejimə qarşı hiddətləri günü-gündən artır.

Bu dəfə sosial şəbəkələrin erməni siqmentində yayılan videolardan birində erməni qadın Araik Arutyunyana ərzaq və meyvə-tərəvəzə qoyduğu qiymətlərdən narazılığını bildirir.

“İrəvanda yaxşı əriyin 1 kiloqramı 350 drama satılır. Mən bir sual vermək istəyirəm: niyə Qarabağda 1 kq əriyin rəsmi qiyməti 900 dram müəyyən edilib, amma əhaliyə 3000-ə satılır? Araik Arutyunyan, mənə cavab ver, kəndlilərdən əriyi neçəyə alırsan? Etibarlı mənbələrə görə, siz ərikləri topdansatış şəklində 200-250 drama alırsınız. Niyə insanları aldadırsan axı?”, – deyə qadın vurğulayıb.

Qeyd edək ki, bu görüntülər Qarabağdakı separatçı rejimin “yeməyə heç nəyimiz yoxdur, mağazalarımız boşdur” deyərək süni şəkildə humanitar böhran təəssüratı yaratmalarının növbəti sübutudur.