“Azərbaycan ikinci evimizdir” | Pakistanlı nazirdən əməkdaşlıq mesajı
“Bakıda qazandığım təcrübə, həqiqətən, möhtəşəm olub. Azərbaycan bizim üçün Pakistandan sonra ikinci ev kimidir. Rəqəmsal İnkişaf və Nəqliyyat Nazirliyini, cənab nazir Rəşad Nəbiyev başda olmaqla nazir müavinini və Ümumdünya Telekommunikasiya İnkişafı Konfransını təşkil edən hər kəsi təbrik etmək istəyirəm”.
Bu sözləri Pakistanın federal informasiya texnologiyaları və telekommunikasiya naziri Şaza Fatima Xavaca deyib.
“Bu konfrans, həqiqətən, çox xoş təcrübə yaşatdı. Bu dəfə şəhəri gəzməyə imkanım olmadı, amma sonuncu dəfə bura gələndə Bakını gəzmişdim və şəhərin yaşıl əraziləri, piyada yolları, İçərişəhəri ilə necə gözəl planlandığının şahidi olmuşdum. Burada olmaq həmişə zövqlüdür və tədbir mükəmməl təşkil olunub.
Mən fəxrlə deyə bilərəm ki, Pakistanın hörmətli Baş naziri Məhəmməd Şahbaz Şərifin rəhbərliyi altında son bir neçə ildə İT sektorunda orta hesabla təxminən 20 % artım müşahidə etmişik və bu sektor çox böyük dayanıqlılıq, innovasiya nümayiş etdirib. 240 milyonluq əhalimizin 68 %-ni təşkil edən gənclər burada mühüm rol oynayıb”, – deyə o bildirib.
#Pakistan teqi istifadə olunub
- Pakistan və Əfqanıstan nədə razılığa gələ bilmədi?
- İmran Xanın ölüm xəbəri gerçək imiş, yoxsa...
- “İmran xanı hakimiyyətə gətirənlər də cəzalandırılmalıdır” | Nəvaz Şərif
- İmran Xanın müəmmalı ölümü ilə bağlı iddia | Sabiq baş nazirin bacıları nələri açıqladı?
- Pişəvər şəhərindəki partlayış və atışmada həlak olanlar var
