Azərbaycan nümayəndə heyəti Çində keçirilən forumda iştirak edir

Medianın İnkişafı Agentliyi, Sosial Tədqiqatlar Mərkəzi, Beynəlxalq Münasibətlərin Təhlili Mərkəzi nümayəndələrindən ibarət heyət Çinin Yunnan əyalətində keçirilən Qlobal Cənub Media və Beyin Mərkəzləri Forumuna qatılıb.

"Report"un məlumatına görə, tədbirdə 110 ölkədən 260-dan çox qurumu təmsil edən təxminən 500 nümayəndə, o cümlədən beynəlxalq və regional təşkilatların təmsilçiləri yer alıb.

Forum çərçivəsində Medianın İnkişafı Agentliyinin İcraçı direktoru Əhməd İsmayılov və Çinin Sinxua Xəbər Agentliyinin prezidenti Fu Hua arasında imzalanmış media sahəsində əməkdaşlıq haqqında Anlaşma Memorandumunun mübadiləsi mərasimi də həyata keçirilib.

Qeyd edək ki, Forum plenar sessiya, 4-cü Yunnan Beynəlxalq Kommunikasiya Forumu, Süni İntellekt Texnologiyası və Media Forumu, Qlobal Cənub Beyin Mərkəzləri Forumu, Qlobal Cənub Gənclər Dialoqu və Qlobal Cənub Dünya İrsi Forumu kimi əsas tədbirləri əhatə edir.