Azərbaycan Ordusu necə hazırlanacaq? | Ekspertdən açıqlama
Vətən müharibəsindən sonra, xüsusən də Şuşa Bəyannaməsi ilə Azərbaycan Ordusunun Türkiyənin ordu modelinə planlanan keçidi daha sürətli inkişaf mərhələsinə qədəm qoyub.
Birgə əməkdaşlıq nəticəsində hər iki ölkənin ştat strukturları, tədris planları, hərbi təlimlər və digər məsələlərin uyğunlaşdırılması ilə proses daha aktiv fazaya qədəm qoydu ki, ölkə başçısının da dediyi kimi, ərazi bütövlüyümüzün tam bərpası ilə nəticələnən antiterror tədbirlərindən sonra bunun əyani şahidi olduq.
Qardaş dövlətin İraqda, Suriyada keçirdiyi antiterror əməliyyatlarında əldə etdiyi təcrübədən Azərbaycanın da peşəkarlıqla yararlanması Türkiyə ordu modelinin ölkəmizdə də müvəffəqiyyətlə tətbiq olunduğunun göstəricisidir.
Yeni yaradılan birliklərin döyüş hazırlığının artırılması və peşəkarlığın yüksəldilməsi məqsədilə təlim mərkəzləri, həmçinin atəş zolaqlarının yaradılması, üstəlik, proseslərin çətin relyefi olan ərazilərdə həyata keçirilməsi, bunun da döyüş hazırlığının yüksəldilməsinə birbaşa müsbət təsir göstərməsi sadalananların təsdiqidir.
Təbii ki, regionda və dünyada cərəyan edən proseslər fonunda Azərbaycan-Türkiyə hərbi müttəfiqliyinin güclənməsi zəruri xarakter daşıyır. İcra edilən proseslər də iki qardaş ölkənin təhlükəsizlik və müdafiə sahələrində ciddi rol oynayacaq.
![icon](/images/loading.png)