Azərbaycan PUA-ları və regiondakı gücü ilə xarici medianın gündəmində - BİZDƏN NƏ DANIŞIRLAR?

“Bizdən nə danışırlar?” verilişinin yeni buraxılışı yayımlanıb.

Verilişdə bildirilib ki, Azərbaycan Cənubi Qafqazda pilotsuz sistemlərin ən qabaqcıl və institusional cəhətdən hazırlıqlı operatoru olaraq qalır və həm müasir PUA-ların alınması, həm də yerli istehsalın inkişafı sahəsində imkanlarını ardıcıl genişləndirməyə davam edir.

Bu barədə “Geopolitical Monitor”un “Dron silahlanma yarışı: Cənubi Qafqazda pilotsuz müharibənin inteqrasiyası” başlıqlı məqaləsində bildirilir.

Məqalədə qeyd olunur ki, Azərbaycan son illər “İti qovan” kimi yerli istehsal da daxil olmaqla bir sıra yeni pilotsuz sistemləri silahlanmaya qəbul edib.

Ermənistanla Azərbaycan arasında sülh prosesinin uğuru bir çox hallarda hazırda dəyişməyə başlayan əlverişli beynəlxalq vəziyyətdən asılıdır.

Bu barədə Bakı Qafqaz Siyasətinin Təhlili Mərkəzinin direktoru Əhməd Əlili “Commonspace.eu” nəşri üçün yazdığı analitik məqaləsində bildirib.

Məqalədə qeyd olunub ki, 2025-ci il ərzində analitiklərin diqqəti Ermənistan–Azərbaycan danışıqlarının məzmununa – Ermənistanda konstitusiya islahatlarına, sərhədlərin delimitasiyasına, nəqliyyat əlaqələrinə və gələcək sülh müqaviləsinə yönəlib.